Здружението на жени и млади Роми „ЛУЛУДИ“ е национална непрофитна и непартиска организација со седиште во Скопје. Тој се стреми да постигне родова еднаквост и заштита на правата на жените - правото на жените Ромки.

„За мене ЛУЛУДИ претставува место каде што слободно можам да го искажам своето мислење и став. Место каде што имам можност за надоградување на своите знаења. Место во кое научив дека сите сме исти, треба да си помагаме и бидеме тука еден за друг. Бев вклучена во повеќе активности на Лулуди, исто така сум и волонтер. Волонтеризмот ми даде можност да стекнам знаења од повеќе области, од кои имав можност да се надоградам себеси. Исто така, имав можност преку теренска работа да дознаам со какви проблеми се соочува нашата заедница и помогнам на истата колку што можам.“

Лоренса Сулејманова

17г. Скопје, Чаир

„За мене Лулуди претставува место каде можам целосно да го искажам женското мислењето како една Ромка, а со тоа заедничко да најдеме решение за секој проблем на жената, која почесто има проблеми како жртва од насилство но и при вработување. Бев присутна во една таква дебата/дискусија која беше организирана од страна на Лулуди, иако прв пат бев дел од нивни активности, се чуствував како да присуствував почесто. Од таму ми доделија неколку флаери во кои имаа објаснето како да им се помогне на оние кои имаат потреба од работа, како и информации и совети за постапување при случај на семејно насилство и дискриминација, за реагирање и стопирање на семејно насилство врз жената.“

Макфире Мемеди

24 г., Скопје, Шуто Оризари

„Лулуди за мене претставува водилка, успешност и професионална стабилност. Освен тоа, Лулуди за мене е простор каде што слободно можам да го споделам моето мислење, да ја изразам мојата кретивност, да го збогатам своето знање и да помогнам со својот потенцијал. Лулуди лично за мене имаше голем позитивен импакт врз мојот личен и професионален развој, со тоа што направи промена во моето размислување, делување и донесување одлуки со решителност, сигурност и согледување на нештата од различен агол. Во Лулуди започнав во 2016г. со учество на Обука за политички вештини, а од тогаш преку учество на најразлични корисни обуки и работилници, #седидома онлајн предавања, учество во кампањи како „Сите заедно во спречување на трговијата со деца и девојки“ и сл. Поактивно учество во Лулуди стекнав со моето волонтерство од каде би ги издвоила обуките за проектен циклус, стратешко планирање, работилниците за политичко вклучување на жената Ромка како и во мониторинг на CEDAW и Истанбулската конвенција со фокус на жената Ромка.“

Васвија Дестановска

23г., Берово, студентка на ФИНКИ

„Во изминатиов период активно бев вклучена на проект насочен на мониторинг на имплементацијата на Истанбулската конвенција и CEDAW во нашата држава. Тоа беше еден од проектите каде можам да делувам на подобрување на позицијата на жените Ромки преку давање насоки за креирање соодветни политики, кои ќе делуваат на заштита на интересите на жените, што е и едно од моите полиња на интерес. Токму тоа и претставува Лулуди за мене, односно организација преку која директно се делува од група на жени, за помош на жената Ромка."

Сибела Мамудоска

Прилеп, членка на Неформалната мрежа за мониторинг, известување и застапување на правата на жената Ромка во рамки на Лулуди

Најпрво би сакал да искажам колку ме има обележено или пак оформирано Лулуди уште во почетоците на моите академски чекори, да не беше Лулуди ја немаше да ги имам искуствата кој понатаму ќе ми помогнат во мојот професионален живот и ме има обележено преку првата моја не-формална активност што ја имам доживеано (Креирање на младински политики). Лулуди ми ги има отворено очите во врска со тоа како младите Роми се прецепирани во општеството.

Елвис Бајрам

Скопје, дипломиран преведувач

За мене Лулуди претставува организација која што е расположена да се дружи со нас, отворена секогаш за нови пријателства и за нови знаења, секогаш со позитивна енергија. Мене ми помогна да ги освежам знаењата што ги имав стекнато претходно и запознав нови пријателства. Учествував на обуки за најразлични теми, а најмногу ми се допаѓа тоа што ме мотивира јас како млада Ромка да се истакнам и да го кажам моето мислење и да бидам прифатен прво од себеси па од другите.

Ферзије Асаноска

24г., асполвент на Економски факултет, Битола

Пред 20 години Лулуди, ме научи читам и да се описменам. Тоа многу ми помогна во животот, во моето семејство, со моите деца, а сега и со моите внуците. Ја сакам организацијата и ја гледам како женска организација кај која секогаш може да отидам и да се обратам и сум задоволна. Лулуди е секогаш тука за да ми се најде за се што треба.

Менекша Мухаремовиќ

57, Топаана, домаќинка