ИНСТИТУЦИОНАЛНА ПОДДРШКА НА РАЖМ „ЛУЛУДИ“
Ромската асоцијација за жени и млади „ЛУЛУДИ“ во престојниот период 2020-2021 година ќе ги jакне своите институционални и организациски капацитети со поддршка на програмата на Цивика Мобилитас.
Целта на оваа поддршка е делување и работење на институционалниот развој и организациско јакнење на организацијата, како и надминување на моменталните организациски предизвици со што ќе се зголеми и придонесот во општеството, опфаќајќи ги четирите области на кои што се темели програмата на Цивика Мобилитас (овозможувачко опкружување за граѓанското општество, граѓански ангажман, соработка и граѓанско учество).
РАЖМ „Лулуди“ во рамки на оваа поддршка ќе се насочи кон низа на активности:
- Унапредување и зајакнување на капацитетите на РАЖМ „Лулуди“
- Зајакнување на мрежата на локални организации за мониторинг на спроведувањето на меѓународните документи и политиките за спречување на семејното насилство и дискриминација врз жените, преку зајакната соработка и развој на ГО на локално ниво.
- Унапредување на позицијата во општеството на жените и младите Роми преку заеднички иницијативи, партнерства со организации, мрежи и институции.
- Зголемување на ангажманот на целните групи во РАЖМ „Лулуди“ за адресирање на предизвици во локалната заедница.
- Следење, известување и застапување за имплементација на Истанбулската конвенција и Конвенцијата за елиминација на сите форми на дискриминација врз жените (CEDAW) во Република Северна Македонија.
Резултати:
- Зајакнати и унапредени вештини и капацитети на РАЖМ „Лулуди“
- Зголемен капацитет, организирано делување и препознатливост на неформалната мрежа на женски организации и индивидуалки на РАЖМ „Лулуди“.
- Зголемена вклученост на корисниците на РАЖМ „Лулуди“ во работењето на организацијата, со особен фокус кон младите невработени, студенти и жени Ромки, како и поттикнување на волонтеризмот.
- Зголемена информираност и едукација на жената Ромка за формите на родово базирано насилство и дискриминација, нивно охрабрување за активно учество и делување.
- Унапредени национални политики за превенција од родово базирано насилство и спречување на дискриминација врз жените во спроведувањето на меѓународни документи, конвенции.
Проектот е поддржан од Цивика мобилитас. Цивика мобилитас е програма на Швајцарската агенција за развој и соработка (СДЦ) за поддршка на граѓанското општество во Македонија, која ја спроведуваат НИРАС од Данска, Македонскиот центар за меѓународна соработка (МЦМС) и ФЦГ од Шведска. Целта на програмата е општествените промени во Северна Македонија да бидат поттикнати од силен граѓански сектор, активни граѓани и добра соработка со властите, што резултира со потранспарентно, поотчетно и социјално-инклузивно управување како на централно, така и на локално ниво.
“LULUDI” is a national non-profit and nonpartisan organisation based in Skopje. It seeks to achieve gender equality and protection of women’s rights – the right of the Roma women.
Contact Us
st. Lazar Trpovski no.1/2-7,Skopje
Opening Hours:
Mon – Fri: 9:00 am – 5:00 pm