Ромска асоцијација за жени и млади „Лулуди” е невладина, доброволна, непрофитна,  непартиска и  независна  граѓанска организација базирана во Скопје, а која делува на територијата на Република Северна Македонија.Се стреми кон остварување на родова еднаквост и заштита на правата на жената – правата на жените Ромки.

Цели кон:

• остварување економски, социјални, културни, граѓански права на жената Ромка утврдени со Уставот на РСМ
• правична застапеност во сите сфери на општествено-политичкото дејствување и одлучување
• промовира почитување на женската личност и интегритет
• постигнување поголема родова еднаквост и
• право да избираат и да бидат избрани, вклучително и младите Роми.

Ромската асоцијација за жени и млади „ЛУЛУДИ” е формирана на 15.06.2001 година, како потреба за промена и како поддршка за предизвиците со кои се соочуваат жените Ромки во Македонија, вклучително и младите Роми. РАЖМ „Лулуди“ дава поддршка и помош на локалната заедница за проблемите кои се поврзани со женските права и подобрување на животните услови, како и поддршка во образованието и едукацијата на младите.
РАЖМ „Лулуди“ се залага за мир, ненасилство, диверзитет и мир. Своето работење е засновано на истражување и проценка на потребите на членовите на заедницата, дизајнирање активности кои се достапни за локалната заедница и се насочени кон одредена целна група со јасна и концизна цел.