Почитувани,
Ве покануваме на Информативна средба за доделување на мали грантови за граѓански организации која се одржи на 08.11.2024 година со почеток во 11:00 часот во просториите на Граѓанскиот ресурсен Центар – Скопје.
Информативната средба се реализира во рамки на проектот “Ромскиот граѓански сектор за пристап кон ЕУ” (код на проектот: IPA III/2022/441-801). Проектот финансиски е поддржан од Европската Унија, а е менаџиран од страна на АДДР Сонце Тетово, во партнерска соработка со РАЖМ „ЛУЛУДИ“ од Скопје, РРЦ од Скопје и Симплексис од Грција.
Целта на овој проект е да се придонесе кон зајакнување на активното учество на ромскиот и проромскиот граѓански сектор во одлучувањето и структурираниот политички дијалог за вклучување на Ромите, поефикасна имплементација на реформите во политиката поврзани со правото на ЕУ особено во врска со поглавјата 19 & 23.
Во рамки на овој проект е предвидено да се доделат 10 грантови на граѓански организации во износ од 2.000,00 до 5.000,00 евра и за таа цел ќе се оддржи информативна средба за презентација на целите, критериумите, условите и начинот на аплицирање на повикот за доделување на грантови.
Повикот може да го погледнете на следниот Линк .
Вашето присуство потребно е да го потврдите најдоцна до 07.11.2024, 16 часот на следната е-маил адреса: razmluludi@gmail.com или на телефон 070/726 538 и 071/344 913.
Ве очекуваме!
