BIBUTJAKERE ROMANE DŽUVLJA RESARELE KVALIFIKACIE ANO TRENING CENTRO

5.05.2017

Amaro Trening Centro so si formirimo taro o proekti  “Jekeskere šajdipa e Romane džuvljenge te len than ki buti ko bikinipaskere taneste”  xošanipasar šaj te informirinel tumen bašo leskoro baxtagoralo butjaripe ano periodi so sine.

O Trening Centro si puterdo taro Decembro. 2016 berš, ki mahala Topansko Pole, ano Skopje, reslarasar kaj ano akava Centro bibutjakere Romane džuvlja taro Skopje ka nakhen nekobor treningoja bašo personalno bajraripe thaj profesionalikane džandipa thaj kvalifikacie, so ka lokhol olengoro drom bašo arakhipe buti thaj butjaripe thaj baxtagoralo te len than ano bikinapskere thaneste, sar ja te oven pobuter konkurentna ano bikinipaskere thaneste.

 

O Trening Centro ano periodi taro Decembro, 2016 berš dži ko Aprilo,2017 berš kergja treningoja bašo profesionalikani kvalifikacia, sar so sine: treningo bašo naja-lačharipe (manikir), treningo bašo suvipe thaj stilipe, treningo bašo bala-lačharipe (frizer), thaj treningo bašo fundavutne džandipa bašo keripe buti an kompjuteri.
Sakova treningo sine pero than, oprema thaj materialia bašo buti, thaj o treningoja sine legarutne taro phirnuthe  profesoria , kola so kerde piri sikljovipaskiri programa bašo treningo pe teorikano thaj praktikano kotor (zumavipa (vežbe)m prezentacie, priračnikia, thaj javer.).

 

Palo o treningoro agoripe sakoja romnji kergje džovapidel (agorutno test) phandlino taro teoria thaj praktika, thaj lela sertifikati bašo baxtagoralo agoripe e treningo bašo leipe profesionalno kvalifikacia

Ano treningoja lelje than sa an sa jakhatar 30 Romane džuvlja, taro ververane riga taro Skopje, lendar:

  • 8 baxtagoralo agoripe bašo naja-lačharipe (manikir)
  • 6baxtagoralo agoripe bašo bala-lačharipe (frizer)
  • 3baxtagoralo agoripe bašo suvipe thaj stilipe
  • 4baxtagoralo agoripe bašo džandipa an kompjuteri

 

Vi agjaar, o Trening Centro isi les specijalno than Čhavorikano centro  bašo e čhavengje e romnjenge so lena than ano treningoja, numa dži kote o romnja si ano treningoja thaj sikljovena profesionalna manuša -neguvatelia dikhena sine lengere ćhave.  O Čhavorikano centro si opremirimo bašo o trubutna e ćhavengoro thaj si kotor taro o Trening Centro (ano jekhano objekto, sar ka šaj o daja te oven popaše dži o ćhave).

 

O Trening Centro si ani I mahala anavkerdi Topansko Pole, ko Skopje, an
ul. Blagoja Parovikj no. 76/23.

 

O Trening Centro si kerdo an trubutnipa e proekteske   “Jekeskere šajdipa e Romane džuvljenge te len than ki buti ko bikinipaskere taneste” , finansirimo tari Europakiri Unia. Implementirimo tari i RADŽT Luludi thaj ORT.